Lítum okkur NÆR.

Legg til að landsmenn fari nú að einbeita sér að því að bjarga þjóðinni úr efnahagsfjármálakreppudýinu án þess að vera alltaf að kenna öðrum um þetta eilífa nágranna-vinaþjóða-höfnunar-kjaftæði(þó það sé líka bráðnauðsynlegt),,ber er hver að baki nema bróður sér eigi"

Nú eiga landsmenn/konur að hætta þessu mengunar-stóryðju-bulli og bretta upp ermar með því að nýta hugvitið. Nóg eigum við af tómu eða hálfbyggðu húsnæði, orku eigum við í það miklum mæli að venjulegum manni sundlar taki hann uppá því að mæla hana í sundlaugalítratali. Komum okkur nú í að byggja upp hugvitsiðnað t. d. Gagnaver, Eve-online(man ekki nafn fyrirtækisins) Mér allavega þykir fátt ef nokkuð fyndið hve okkar ÆÐSTU ráðamenn s. s. forsetinn hlaupa úr einu í annað þá erum við 90% búin að koma okkur alveg EIN OG ÓSTUDD í þetta skuldafen. Hunskumst til að ná okkur í gjaldeyri með því að nýta þetta hugvit sem ráðamenn háir sem lágir innan embættismannakerfisins  hafa verið síblaðrandi um.

Þá er nú alveg löngu tímabært að koma megninu af þessum eigihagsmunaseggjum frá.

Án nokkurs vafa eru erlendir bankar búnir að klaufast til að lána okkur ALLTOF MIKIÐ, Þá er að mínu mati ekki rétt að einblína alltaf á aðra sem sökudólga. Þrátt fyrir að við séum í alþjóðlegu sambandi þjóða, þá erum við ekki með neytt leyfi fyrir því að láta eins og aumingjar gangi eitthvað á, sem vissulega gerir nú um stundir.

Nú er maður NÁNAST búinn að missa trúna á mannskepnuna.

Frétt er var í Ríkissjónvarpinu 19,08"08 fjallaði um mann er lagt hafði ólöglega og skapaði hættu, lögregla hafði kallað til dráttarbíl sem fjarlægði bílinn. Þegar síðan eigandinn loks sá ástæðu til að fjarlægja bílinn, Þá var hann(bíllinn)og líka dráttarbíllinn horfinn einhvern veginn, hafði hann úppá dráttarbílstjóranum.

 

Þeirra á milli varð eitthvert orðaskak og þegar það bar engan árangur, þá skipti engum togum að eigandi hins brottdregna bíls. Rak manninum(dráttarbílstjóranum) þvílíkt höfuðhögg að viðkomandi lá óvígur eftir, kalla þurfti til sjúkrabíl og kom þá í ljós að hann hafði hlotið heilahristing.

 

Þarna sat ég í mínum hægindastól, hlustaði opinmynntur á fréttina og trúði alls ekki eigin eyrum. Hvernig í ósköpunum er ÞETTA þjóðfélag að verða, þetta er svo skrýtið fyrir saklausann sveitadreng eins og mig. Rétt ætla að vona að þetta hafi einungis verið GÚRKUFRÉT, Þó ónotatilfynningin sé eiginlega ekki alveg farinn úr mér.

Einn léttur, samt sígildur.

Einn góðan veðurdag var maður einn frá biskupsstofu, sendur hringinn í kringum landið til að kanna ástand kirkna. Norður á Akureyri er allt í lagi með kirkjuna að utan, síðan er inn kemur veitir hann gylltum seðlasíma eftirtekt, á símanum er miði sem á stendur 10,000 kr. mínútan. Hann hnyppir í kirkjuvörðinn og spyr hví mínútan sé þetta dýr, svarið var: nú dýrt er drottins orð. Sama atburðarrás gerist í öllum kirkjum suður til Selfoss, þar er einungis 1,000 kr. mínútan undrunarsvipur mannsins verður það mikill, að hann spyr ískrandi undrunarrómi. Hvers vegna er mínútugjaldið þetta lágt hér? Og svarið var rólegt og snjallt, sko HÉR ER ÞAÐ BARA INNANBÆJARSÍMTAL.

Tekið skal fram að ártal er ekki vitað.

Saga af norðan

Hjón ein er bjuggu á bæ norður í Skagafirði voru að selja sumarbústað, dag einn hringir áhugasamur kaupandi og óskar eftir því að líta á slotið. Það var nú ekki málið hann skyldi bara koma og honum yrði sýndur bústaðurinn. Daginn er hann kom hafði bóndinn ekki tíma til að sýna honum bústaðinn, svo hann sendir konuna sína með þeim áhugasama. Þegar inn í bústaðinn er komið fer maðurinn að setja útá hina og þessa galla. Svo sem að það skyldi ekki vera neinn sólpallur, og ekki gert ráð fyrir honum. Vildi geta grillað úti í góðu veðri, konan svarar dauf á svip nei því miður er þetta ekki til staðar, þá segir maðurinn(kaupandinn) og verður maður síðan að fara á bak við hús til að skíta. Þar með var hann rokinn yfir í næstu sýslu að skoða eitthvað betra, er bóndinn sér kellu sína koma heim hnuggna á svip. Spyr hann hana varlega gekk þetta ekki allt mjög vel og þá kom svarið: nei ÞETTA VAR EITTHVAÐ FÍFL AÐ SUNNAN SEM VILDI ÉTA ÚTI OG SKÍTA INNI.