Er þetta etthvað NÝTT?

Fyrsta frétt á stöð 2 í hádeginu 11,12,07 fjallaði um lægðina (rokið) er gekk yfir landið aðfaranótt þess dags, aðalfréttaefnið í henni var eitthvað í líkingu við þetta. Fjöldi útkalla björgunarsveita var vegna fjúkandi trampólína, mér þykir það nú vera ósköp lítið fréttnæmt núorðið. Það eru fjölmargir hér á skerinu sem láta það ekki breyta neinu hjá sér að taka eitthvað mark á veðurfregnum. Því geri þeir það þurfa þeir hinir sömu að fara að hugsa um hve stórt, dýrt og umfram allt gríðarlega magnað þeir geti keypt næst. Þó vefst svolítið fyrir mér að fólk sem fætt og uppalið er hér á landi skuli láta þessa hlemmi standa úti í garði yfir háveturinn. Skil kannski að fólk telji það óþarfa notkun á heilabúinu=viskustykkinu"í flestum tilfellum" þrátt fyrir þetta tuð í mér,  hefur margsinnis verið sýnt framá að loftslagsbreytingarnar eiga eftir að magnast mikið á komandi áratugum. Fyrrnefndir veðuróvitar gætu trúlega farið til læknis og látið yfirfara INNRÉTTINGUNA sem er á milli eyrnanna.

 

Smá hugmynd að lausn ýmissa TILBÚINNA vandamála. 

Athugasemdir

[Ingunn Jóna Gísladóttir, 12.12.2007 kl. 01:03]

Veistu hvað Eiríkur minn, Íslendingar eru bara svo ógeðslega ríkir að þó að eitt Trampolín fjúki í burtu þá kaupa þeir bara annað, stærra og flottara. Þeir eru sko ekki að eyða sínum tíma í að tína dótið sitt inn þegar búist er við brjáluðu veðri, og er sko nokk sama um það að dótið þeirra gæti skemmt eigur annara eða slasað aðra. Kær kveðja Ingunn

[Guðríður Pétursdóttir, 12.12.2007 kl. 08:55]

þetta er bara nááákvæmlega eins og ingunn segir... that is the helber truth

[Sigurlaug B. Gröndal, 12.12.2007 kl. 12:31]

Það er nefninlega með Frónbúa að vont veður kemur þeim alltaf jafn mikið á óvart. Við búum á ÍSLANDI en ekki á Kanaríeyjum! Það varla hreyfa vind þá er talað um brjálað veður. Smáfrost verður fimbulkuldi og allir flykkjast á sólarströnd. Váááá, erum við alveg að tapa okkur? Eins og Ingunn bendir réttilega á, þá eru Íslendingar mjög efnaðir, allflestir og kaupa alltaf það dýrasta og besta. Þótt eitt trambólín fjúki skiptir engu máli.  Þessi þjóð er svo biluð að hún er að vinna sér til húðar, vanrækir börnin sín og fólkið sitt til þess eins að geta eytt meiru og telur sig þá fyrst hafa höndlað hamingjuna! Er þetta ekki bara hreint galið lið, Eiríkur minn?

[Hrefna Birgisdóttir (IP-tala skráð) 12.12.2007 kl. 18:26]

Hæ Eiríkur minn! Loks kom nýtt blogg frá þér!! Ef ég hefði ekki séð þig bruna á Austurveginum fyrir c.a 10 dögum, hefði ég bara haldið að þú værir fluttur frá Selfossi! Gaman að "heyra" frá þér. Ég tek svo sannarlega undir þetta, ég veit ekki hversu mikið og oft ég hef hrist höfuðið innra með mér yfir þessum ósköpum í þjóðfélaginu okkar. !??. Ég skrapp til Færeyja nú í október (ekki í fyrsta sinn og alveg örugglega ekki í síðasta ). Hvílíkur reginmunur á andrúmsloftinu þar og hér, við Íslendingar mættum taka okkur frændur okkar til fyrirmyndar, og læra af þeim, og rúmlega það!! Jæja Eiríkur minn, þetta átti nú bara að vera smá "komment" en manni getur nú hitnað í hamsi af minna tilefni. Við sjáumst nú vonandi á "röltinu" fyrir jól, og svo mættirðu nú kíkja niður á Hotel Selfoss, þar sem við erum með Útvarpið (Suðurland fm96.3) ... Já ég er komin afur "heim"!! Kveðja til þín, Hrefna Birgisd.

[Ásdís Sigurðardóttir, 13.12.2007 kl. 22:25]

Blessaður gamli minn. Skil ekki afhverju þú bloggar svona sjaldan.  Þú hefur svo fullt að segja.  Rok er rok og ótrúlegt hvað það kemur mörgum á óvart þó svo það sé margtuggið upp í líðið með margra daga fyrirvara.  Pottþétt að þú og ég fjúkum ekki í burtu.  See you guy

[Ragnar Geir Brynjólfsson, 13.12.2007 kl. 22:42]

Það er ekki tiltökumál að taka þessar trampólínur niður. Það er hægt að taka dúkinn úr þeim með ekki svo mikilli fyrirhöfn og skilja grindina eftir tjóðraða. Það var reyndar svo hvasst í Baugstjörninni að grindin úr minni trampólinu datt í sundur á samskeytum en hún fór ekki langt því hún var tjóðruð.

[Eiríkur Harðarson, 14.12.2007 kl. 15:15]

Já þetta er andsk..... undarleg fáviska, þó að fólk háfskíti peningum þá ber það nú vott um eitthvað annað en sterka siðferðiskennd að sumir skuli haga sér sem slíkir. Síðan er verið að tönnlast á að þróunarhjálparpeningarnir skili sér ekki á þá staði sem ætlast er til, væri ekki nær að hrinda af stað söfnun til að kenna þessum ÓVITUM að fylgjast með veðurspá.